Abilekaj: Basha apatik dhe i butë si opozitar, Rama u lejua të bënte ç’të donte me zgjedhjet

Në Çim Peka Live, gazetari Enton Abilekaj ka folur mbi krizën në PD dhe ka theksuar se ende akoma nuk është bërë analizë që duhet të bëhej me kohë mbi humbjen e zgjedhjeve të 25 prillit.

‘Sjellja e butë e opozitës ndaj Ramës pas thyerjes së marrëveshjes së 5 qershorit, apo gogoli Berisha ishte faktori i humbjes në 25 prill’, theksoi Abilekaj në pyetjen e tij për deputetin e PD Belind Këlliçi.

Abilekaj: Çfarë e favorizon më shumë Ramën në raport me PD, e favorizon Basha që është apatik dhe i butë në opozitë apo Berisha është një gogol që Rama e nxjerr te ndërkombëtarët dhe elektorati gri.

Kemi një dallim mes një ish-lideri që është alternativa e së ardhmes, që për PD është një rrugë që mund të jetë dhe e gabuar. Nëse kjo është e drejtë apo e gabuar, duhet të analizojmë se kush ishte oksigjeni i Ramës në 25 prill, pse u lejua Rama të bënte çtë donte me procesin zgjedhor, pse ndërkombëtarët mbyllën sytë dhe i thanë bëj çfatë të duash.

Lulzim Basha kishte përgjegjësinë se ishte shumë i butë, ku edhe çadra filloi si aksion shumë i fortë dhe përfundoi ashtu si përfundoi në 17 maj që u fut në zgjedhje. Problemi është të analizojmë a është faji i Bashës që u ul me Gjiknurin për marrëveshjen e 5 qershorit e cila u prish dhe nuk reagoi, pra kjo pjesa e butë e opozitës, apo ishte ‘gogoli Berisha’ që u përdor nga Rama te ndërkombëtarët dhe zgjedhësit gri për të masakruar zgjedhjet me leje prej tyre.

Kjo duhet të mendohet sot, se a është zgjidhje për PD kthimi i Berishës sot, apo është më keq?