Nivelet e alarmit janë rritur në Britaninë e Madhe orët e fundit, pas një incidenti jashtë një klinike në Liverpool , ku një taksi që transportonte eksploziv hodhi në erë një pasagjer. Niveli i kërcënimit terrorist në vend tani është rriturnë “serioz”, që do të thotë se një sulm tani konsiderohet shumë i mundshëm.
Lëvizja u konfirmua nga ministrja e Brendshme Pretty Patel , ndërsa policia në Liverpool arrestoi katër persona për shpërthimin, i cili vrau pasagjerin brenda taksisë.
Duke folur për gazetarët, ajo tha:
“Kryeministri kryesoi një mbledhje të Kobra (Komitetit të Emergjencës) pasditen e sotme dhe unë mora pjesë në të. Çështjet për t’u theksuar janë se, para së gjithash, incidenti është shpallur terrorist. Së dyti, Qendra e Analizës së Terrorizmit – JTAC – tani po e rrit nivelin e kërcënimit në Mbretërinë e Bashkuar nga i rëndësishëm në serioz. Dhe kjo ka një arsye, pasi ajo që pamë dje është incidenti i dytë brenda një muaji. Një hetim është duke u zhvilluar për momentin, do të na duhet kohë dhe hapësirë për të bërë punën që na duhet për të hetuar incidentin. “Por sigurisht që ne si qeveri dhe unë si Ministër i Brendshëm vazhdojmë të punojmë me të gjithë për sigurinë e vendit tonë”.
Niveli i kërcënimit për herë të fundit u rrit në “serioz” në nëntor 2020 pas sulmeve në të cilat u vranë katër persona në Vjenë, tre të tjerë u vranë në një sulm me thikë në Nice dhe një mësues u vra në Paris.
