Presidenti i SHBA-së, Joseph Biden fali dy gjela gjigantë të bardhë të quajtur Peanut Butter and Jelly, në kopshtin e trëndafilave të Shtëpisë së Bardhë.
Biden ka vazhduar traditën e “Ditës së Falënderimeve”, e cila daton prej dekadash. “Në vend që të zihen, këto dy gjela do të vazhdojnë të gudulisin dhe të rriten”, tha i pari i shtetit amerikan.
“Është e rëndësishme të vazhdojmë tradita të tilla, të na kujtojmë se ka dritë, shpresë dhe përparim nga errësira, dhe kjo është ajo që për mendimin tim përfaqëson Ditën e Falënderimeve të këtij viti”, theksoi ai.
Para se të fliste, gjelat endeshin lirshëm nëpër oborr, ndërsa era e mushtit përhapej në ajër.
Një grup muzikor ekzekutoi këngë në lidhje me zogjtë, duke përfshirë “Free Bird” dhe “Birdland” nga stafi i Shtëpisë së Bardhë dhe fëmijët e tyre.
