Raundi i pestë i fazës së grupeve në Ligën e Kampionëve mbyllet sonte me ndeshjet në grupet A, B, C dhe D, ndërsa vëmendjen më të madhe e tërheq dueli mes Manchester City-t dhe PSG-së .
Derbi i mbrëmjes, nëse i shohim emrat në letër, luhet në stadiumin Etihad të Mançesterit, ku vendasit do të presin PSG-në dhe të dyja skuadrat do të siguronin një vend në fazën me eliminim direkt me fitoren e sotme. Qytetarët aktualisht janë të parët në tabelë me nëntë pikë, PSG është i dyti me tetë pikë dhe Club Brugge është i treti me katër pikë.
Në duelin e parë të këtyre skuadrave, që u luajt në Paris, vendasit festuan me rezultatin 2:0. Në këtë grup do të luhet edhe sfida mes Club Brugge dhe Leipzig.
Në grupin D, luhen dy sfida mjaft interesante. Inter sfidon Shakhtarin në “Giuzeppe Meazza”, ndërsa Reali përballet me Sheriffin në Moldavi.
Fitorja e zikaltërve në ndeshjen e sotme dhe me “hakmarrjen” e Realit për humbjen me Sherifin në raundin e dytë, do t’u mjaftonte italianëve për të kaluar në fazën tjetër, të cilët aktualisht kanë shtatë pikë pas katër rauneve dhe mbajnë vendin e dytë me dy pikë më pak se Klubi Mbretëror.
Sherrif bëri një surprizë të madhe me dy fitore në dy ndeshjet e para kundër Shakhtarit dhe Realit kështu që aktualisht ka gjashtë pikë, ndërsa Shakhtar me një pikë në fund nuk ka asnjë shans për t’u kualifikuar në fazën tjetër.
Pas fitores së madhe ndaj Napolit në Serinë A, Interi vjen me moralin e lartë në ndeshjen e sonte dhe me gjasë triumfi dhe fitimi i tre pikëve duhet të nënkuptojë një vend në fazën tjetër
Në Stamboll luhet sfida mes Besiktas dhe Ajax. Skuadra nga Amsterdami e ka siguruar një vend në fazën tjetër, ndërsa skuadra nga Turqia mban vendin e fundit me zero pikë. Në të njëjtin grup takohen Sporting dhe Borussia Dortmund, dy skuadra që kanë nga gjashtë pikë dhe që sonte po luftojnë drejtpërdrejt për vendin e dytë dhe për në fazën eliminatore.
Në fund, Atletico Madrid do të mirëpresë Milanin në stadiumin e tyre dhe do të kërkojë një fitore që do t’i hapte derën e fazës eliminatore, por në të njëjtën kohë do të ndjekë ngjarjet nga ndeshja mes Liverpool-it dhe Portos në Anfield në të cilën ata kanë nevojë për “të kuqtë” që të mos humbasin.
Orari i ndeshjeve:
Besiktas JK – Ajax (18:45)
Inter – Shakhtar (18:45)
Atletico Madrid – AC Milan
Club Brugge – Leipzig
Liverpool – Porto
Manchester City – PSG
Sherif – Real Madrid
Sporting – Borussia Dortmund
