Mund të quhet e mbyllur dhe aspak e suksesshme aventura e Xherdan Shaqirit te Lyoni.
Siç raporton prestigjozja “L’Equipe”, lojtari me origjinë shqiptare nuk ka dhënë atë që pritej dhe sot nuk është zgjedhja e parë për sulmin e skuadrës.
Duke qenë se nuk ka luajtur rregullisht edhe lojtari vet është i pakënaqur për këtë situatë dhe konfirmohet se për një ofertë serioze, Lyoni është gati të ulet në tryezën e bisedimeve.
Nga ana tjetër te Lyoni po mendojnë një goditje në sulm, Azmoun i Zenitit dhe për të arritur aty duhet me patjetër të shesë një lojtar.
Shaqiri duket ai që është më larg projektit të ekipit ndaj dhe në Janar, largimi i tij duket i pashmangshëm nga klubi francez.
