Një ngjarje e rëndë ka tronditur kryeqytetin mbrëmjen e sotme ku disa persona qëlluan me armë zjarri në një lokal në Don Bosko duke lënë një të vdekur dhe 3 të plagosur.
Burime bëjnë me dije se autorët e krimit janë larguar me automjetin e tyre drejt Laprakës dhe se sherri mes të rinjve ka nisur për motive të dobëta duke agravuar deri në përplasjen me armë.
Forca të shumta policie janë në vendin e ngjarjes, ndërsa patrulla të shumta kontrolli në akset kryesore hyrëse dhe dalëse.
