Në rrugën nacionale Burrel – Milot janë regjistruar paraditen e sotme rënie gurësh nga mali, duke rritur kështu rrezikun për aksidente rrugore dhe duke sjellë një kërcënim për jetën e personave që kalojnë me automjete në këtë aks.
Rënia e gurëve është regjistruar pranë Shkopetit, në afërsi të sektorit C, ndërsa si pasojë e gurëve që kanë mbushur rrugën, shoferët detyrohen të kryejnë manovra të rrezikshme, duke dalë edhe në korsinë tjetër, duke rritur kështu rrezikun e ndonjë aksidenti.
Për momentin, asnjë punonjës i firmës kontraktore nuk shihet në rrugë për pastrimin e gurëve, por në të mungojnë edhe forcat e policisë për të rregulluar qarkullimin.
