Khloe Kardashian, një nga motrat e familjes më të famshme amerikane, e gjeti sërish veten në shënjestër të talljeve për shkak të duarve të saj.
Pasi postoi një seri fotosh të saj duke pozuar në një makinë, shumë u tërhoqën nga duart e saj dhe për shkak të ngjyrës, gjatësisë së gishtërinjve dhe “kthetrave” të saj, ata arritën në përfundimin se i ngjanin “këmbëve të pulës”.Kanë mbërritur komente të shumta dhe mes tyre ndjekësit kanë pyetur veten se pse ajo nuk i ka errësuar duart ashtu siç ka bërë me fytyrën.
“Khloe, të lutem errësoje duart herën tjetër”, “Cili është ndryshimi midis fytyrës dhe duarve, unë po qaj”, “A të kujtojnë duart e saj për këmbët e pulës?”, “Sa herë që shoh një pulë do të kujtoj Khloe”, kanë shkruar ata.
Megjithatë, pas komenteve të shumta për fshehjen e duarve, Khloe vendosi t’i përgjigjet njërit.
“Kurrë. Duart e mia janë të bukura, zemër”, ka shkruar ajo më poshtë.
Kjo nuk është hera e parë që ndjekësit komentojnë gishtat e duarve të saj.
