Lufta në Partinë Demokratike, ka futur në sherr shumë njerëz në Shqipëri, përfshirë edhe Ilir Vrenozin, personazhin e famshëm të rrjeteve sociale.
Një incident ndodhi në Korçë ditën kur Basha vizitoi këtë qytet. Ndërkohë që Ilir Vrenozi u ndalua nga policia, me arsyetimin se do të qëllonte me vezë Bashën, djali i tij Enri Vrenozi, doli në podium dhe mbajti një fjalim, në favor të Bashës.
Atë e bir janë përballur në emisionin “Të Paekspozuarit” në MCN TV, për të treguar pikëpamjet e tyre mbi luftën në PD dhe mendimet që kanë për këtë parti.
Pjesë nga debati në studio:
Ylli Rakipi: Edhe Ilir Meta, kur reagoi tha Vrenozi është aq i varfër sa nuk ka as vezë.
Iir Vrenozi: Ai është i madh.
Ylli Rakipi: Po kështu tha.
Ilir Vrenozi: Unë me dy vezë, haja darkë, i fusja dhe një kos dhe isha në rregull. Do shpërdoroja vezët për Lulzim Bashën unë?!!
Enri Vrenozi: Është puna juaj se çfarë shpenzoni për Bashën ose kundër Bashës.
Ilir Vrenozi: Ua shiko si flet, shiko si flet. Ore flet si zyrtar ay tani shikon ti?
Arjan Curri: Duhet ti thuash, o ba, është puna jote!
Unë të përgëzoj që je orator. Por ajo që unë nuk kuptova, është që ti në ato momente e kishe dijeninë që babi ishte në komisariat dhe kishe qetësinë të flisje aty. Dashuria jotë për partinë triumfoi, më shumë sesa dashuria jote për babin.
Enri Vrenozi: Po të thëm që dashuria për partinë nuk mund ta kalojë dashurinë për familjen, nuk krahasohet.
Arjan Curri: Po ku ishte ti? Prezenca jotë ishte fizike dhe shpirtërore ishte me zotin Basha. Emocionalisht po të më thoshin mua që babai yt është në polici, unë e lë emisionin dhe iki. Ti do më shumë Lulin apo babin?
Enri Vrenozi: Dashuria dhe respekti për familjen nuk mund të kalohet nga asgjë tjetër. Është mëse normale.
Arjan Curri: Epo duhet të ikje me vrap nga aty.
Enri Vrenozi: Unë isha i shqetësuar, por ideja është që, ka të bëjë me kontrollimin e emocioneve dhe është personale. Unë isha në trysni, por arrita të kontrolloja emocionet.
Ylli Rakipi: Ti e more vesh që babain e kishin ndaluar. Ti kur e more vesh shoqërimin, kur fole aty te Luli e kishe marre vesh?
Enri Vrenozi: Po, pak momente më përpara.
Ilir Vrenozi: Pse nuk erdhe me vrap te unë?
Enri Vrenozi: Mënyra dhe interesimi është e shumëllojshme. Unë përdora timen, që mu duk më efikase.
