Analisti Andi Bushati ka reaguar ashpër ndaj qëndrimit ‘pro’ të opozitës në lidhje me zgjatjen e afateve për organet e vetingut.
Në postimin e tij në rrjetet sociale, Bushati e quan opozitën e Lulzim Bashës, “leckë-opozita”, e cila po voton me urdhër të Edi Ramës.
Bushati shprehet se ngushëllimi i vetëm në këtë rast është sprova e 6 marsit, pra zgjedhjet e pjesshme lokale, të cilat do të tregojnë se kush e ka shumicën në PD.
“Lecke-opozita po behet gati te votoje zgjatjen e vettingut sipas urdherit te Rames qe i tha ne shtator: “Marsh shkoni votoni”. Me sa duket iken dhe alibite qe e kushtezonin me 3 ndryshime te tjera kushtetuese.
Me e keqja po e bejne si skutha, po folur dhe pa debatuar. Ngushellimi i vetem: para eshte sprova e 6 marsit”, shkruan Bushati.
