Presidenti i Turqisë, Erdogan, në një deklaratë ditën e sotme ka kritikuar qëndrimin e NATO-s mbi situatën e luftës në Ukrainë. Ai shprehet se duhet të ndërmerren sa më shpejtë hapa më të vendosur.
“Mendimi ynë për qëndrimin e NATO-s, ka qenë tepër i qartë. Nuk duhet të kthehet në një dënim të zakonshëm, duhet të ndërmarrim hapa më të vendosur. Nuk do të ishte e drejtë që nga takimi ynë të dalë vetëm ky mesazh”.
Më tej ai theksoj se pasditen e sotme do të zhvillohej një mbledhje në të cilën do të diskutohej edhe me liderët vendeve të tjera mbi cështjen e Ukrainës.
“ Në mbledhjen që do të zhvillojmë sot pasdite, do të shohim edhe mendimet e liderëve të tjerë. Kemi zhvilluar një bisedë të qartë me Stoltenberg dhe sot do të flasim me të gjithë të tjerët” përfundoi ai fjalimin e tij.
