Ekonomia ruse po ndikohet si rezultat i sanksioneve të vendosura nga Perëndimi, pranoi zëdhënësi i Kremlinit, Dmitry Peskov, kur u pyet në lidhje me komentet e presidentit amerikan Joe Biden në fjalimin e tij.
“Ekonomia e Rusisë po përjeton goditje serioze”, tha Peskov në një telefonatë me gazetarët e huaj të mërkurën.
“Por ka një kufi sigurie, ka potencial, ka disa plane, puna është duke u zhvilluar.”
“[Ekonomia] do të qëndrojë në këmbë”, përfundoi ai.
Në fjalimin e tij të martën, presidenti Biden tha se ekonomia ruse kishte mbetur e “lëkundur” nga të gjitha sanksionet.
Duke folur me udhëheqësit politikë në Uashington, Biden e filloi fjalimin duke nënvizuar unitetin kundër Rusisë brenda Shteteve të Bashkuara dhe midis aleatëve të saj.
Ai e mbylli me një ndjenjë tingëlluese optimizmi dhe uniteti teksa bota shikon pushtimin rus të Ukrainës, duke thënë se besimi i tij te populli amerikan është ajo që i jep atij siguri se demokracia do të mbizotërojë në këtë moment kritik.
“Tani është ora, momenti ynë i përgjegjësisë. Testi ynë i vendosmërisë dhe ndërgjegjes, i vetë historisë.
Pikërisht në këtë moment formohet karakteri ynë. Qëllimi ynë është gjetur. E ardhmja jonë është e farkëtuar”, tha Biden në mbyllje.
“Epo, unë e njoh këtë komb. Ne do të kalojmë provën. Për të mbrojtur lirinë, për të zgjeruar drejtësinë dhe mundësitë. Ne do të shpëtojmë demokracinë. Sado të vështira kanë qenë këto kohë, unë jam më optimist për Amerikën sot sesa kam qenë gjithë jetën time”, vazhdoi ai.
Presidenti tha: “Gjendja e SHBA-ve është e fortë, sepse ju, populli amerikan, jeni të fortë”.
“Ne jemi më të fortë sot se sa një vit më parë”, shtoi Biden.
“Dhe ne do të jemi më të fortë pas një viti sesa sot. Tani është momenti ynë për të përmbushur dhe kapërcyer sfidat e kohës sonë.”
Të martën, Peskov i tha CNN se presidenti rus Vladimir Putin nuk do të shikonte fjalimin e Biden për gjendjen e SHBA-ve, por se ai do të merrte një raport me shkrim për të.
