Seanca e sotme plenare në Kuvend ka nisur me debate dhe tensione. Deputeti demokrat i Komisionit të Rithemelimit, Edmod Spaho ka kërkuar ndryshimin e rendit të ditës ndërsa mikrofoni iu mbyll.
“Seanca të fillojë me interpelancë dhe jo me mocionin. Rregullorja e Kuvendit e thotë kështu që interpelancat janë pika të para të rendit të ditës. I lini lojërat me rregulloret”, tha deputeti.
Sipas tij seanca e sotme duhet të nisë me interepelancën e kërkuar nga grupimi i Rithemelimit dhe jo me mocionin e debatit të kërkuar nga grupi parlamentar i PD.
Nga ana tjetër nënkryetarja Ermonela Felaj i dha fjalën Taulant Ballës dhe Spaho u tensionua, ndërsa në këtë moment garda në sallë u vendos në gatishmëri.
Balla: Të gjithë ju e keni nga pak Sali brenda.
Spaho: Po mbroni grupin e Bashës.
