Avokati i njohur Adriatik Lapaj një prej aktivistëve pjesëmarrës thuajse në çdo protestë kundër rritjes së çmimeve ka reaguar pas tubimit të sotëm ku një grua përzuri nënë Lizën e cila u bë e njohur gjatë protestave kundër shembjeve te “5 Maji”.
Lapaj distancohet nga ky veprim teksa thekson se një person i paidentifikuar ka cenuar krenarinë e të gjithëve duke i shkelur nënë Lizës të drejtën dhe lirinë për të protestuar.
Ai shprehet se e dënon fort këtë sjellje ndërsa shton se kushdo qoftë zonja e shkaktoi atë incident i ka fyer të gjithë.
“Nënë Liza simbol rezistence! Sot në protestë një person i paidentifikuar ka cënuar krenarinë e të gjithëve ne duke cenuar lirinë e Nënë Lizës.
Sheshi ka edhe njerëz të papërgjegjshëm. Kushdo qoftë zonja që e shkaktoi atë incident na fyeu e cënoi të gjithëve. E dënojmë fortë këtë sjellje! Nënë Liza”, shkruan Adriatik Lapaj.
