Ish-kryeprokurorja e gjykatave të OKB-së për krimet e luftës, Karla Del Ponte ka bërë thirrje që presidenti rus Vladimir Putin të arrestohet për pushtimin e Ukrainës.
Karla Del Ponte tha se urdhër arrestet ndërkombëtare duhet të lëshohen kundër Putinit dhe zyrtarëve të tjerë të lartë rusë.
“Putini është një kriminel lufte,” i tha ajo gazetës zvicerane Le Temps.
Del Ponte shërbeu si kryeprokurore në gjykatat penale ndërkombëtare të OKB-së për ish-Jugosllavinë dhe për Ruandën.
Një hetim mbi krimet e mundshme të luftës në Ukrainë filloi muajin e kaluar pasi Rusia u akuzua për bombardimin e civilëve.
