Territori shqiptar do jetë në kushte të qëndrueshme atmosferike duke bërë që moti të jetë i kthjellët dhe vranesira të pakta të cilat në orët e pasdites do të largohen gradualisht duke ia lënë vendin kthjellimeve. Ky stabilitet i atmosferës do të na shoqërojë edhe gjatë natës.
Sipas MeteoAlb, temperaturat e ajrit do të ulen në mëngjes, por rriten në mesditë duke rregjistruar vlerën minimale në qytetin e Pukës me 1°C. Ndërsa vlera maksimale do të shenohet në qytetin e Durrësit me 17°C.
Era do të fryjë e lehtë në tokë dhe mesatare në det me shpejtësi 35 km/h nga drejtimi verior duke krijuar në det dallgëzimi 2 – 3 ballë.
