Arjan Ashiku është kandidati demokrat që voton përballë kolegut Mustafa Pashja në Peqin për kreun e Partisë Demokratike të kësaj dege. Në një prononcim për gazetarin Migen Sejdini të SYRI TV, z. Ashiku tha:
“Procesi i votimit në Peqin vazhdon me ritme normale. Ka filluar në orarin e përcaktuar dhe ka pasur fluks votimi, që tregon një interesim. Mendojmë dhe kemi bindjen se në këtë formë do të shkojë deri në mbyllje dhe i uroj kundërshtarit garë sa më të bukur.
Për sa i përket anëtarëve të PD-së, anëtarëve të sakrificës, anëtarëve të qëndresës, unë i bëj thirrje që të vijnë në votim, të jemi të bashkuar që të jemi përballë këtij regjimi, regjim që po e mbyt shoqërinë tonë dita ditës. Vetëm qenia të bashkuar e mposht këtë regjim dhe unë këtë i kërkoj anëtarësisë, asgjë tjetër: që të vijnë të gjithë të bashkuar pavarësisht rezultatit ; të jemi të gjithë bashkë kundër regjimit dhe kundër tiranisë.“/ar.sh/SYRI.TV
