Një punonjës policie në Komisariatin e Kamzës ka humbur jetën mesditën e sotme.
Lajmi është bërë i ditur nga burime zyrtare të Policisë së Tiranës.
Sipas të dhënave, punonjësi i policisë, 59-vjeçari me inicialet N. D., ka qenë në krye të detyrës, kur ka humbur jetën.
Policia e Tiranës/ Informacion paraprak
Më datë 07.06.2022, në Kamzë, ka ndërruar jetë shtetasi N. D., 59 vjeç, punonjës Policie.
Nga këqyrja paraprake dyshohet se vdekja ka ardhur si pasojë e një arresti kardiak.
Grupi hetimor ndodhet në vendngjarje dhe po punon për sqarimin e rrethanave të ngjarjes.
