Pasi u betua si president i Republikës, Bajram Begaj nuk po humbet kohë, ndërsa po zhvillon takime për të marrë këshilla nga ish-krerë të shtetit shqiptar.
Mësohet se ditën e sotme Begaj po zhvillon takime me paraardhësit e tij, siç është ish-presidenti Alfred Moisu, Bamir Topin si dhe Rexhep Mejdani.
BalkanWeb mëson se takimi po mbahet në Pallatin e Brigadave, ndërkohë ish-presidentët janë shoqëruar nga makinat e Gardës së Republikës.
Këto takime vijnë disa ditë para se ai të marrë detyrën. Bajram Begaj u zgjodh nga parlamenti me 78 vota pro, 4 kundër dhe 1 abstenim, duke marre edhe një votë nga opozita, ndërsa Berisha dhe Alibeaj e bojkotuan votimin.
