Ish kryeministri Sali Berisha, duke folur jashtë Kuvendit për detajet e protestës së parë që do të mbahet më 7 korrik, tha se një grup ekspertësh po punon për stemën e saj.
Teksa nuk dha detaje për organizimin, se nga do të nisë dhe ku do të përqendrohet tubimi, por u shpreh se do të protestohet ndaj qeverisë, parlamentit.
“Protestë, protestë dhe vetëm protestë. Qytetarët shqiptarë, duke filluar nga interesi i tyre kombëtar tek shëndeti, vendi i punës, xhepat e tyre, ndiejnë se janë në rrezik të madh. Ndiejnë një thirrje të brendshme se duhet me çdo kusht ti dalin zot vetes të marrin në dorë fatin e fëmijëve të tyre”, tha Berisha.
Pyetje: Kur do mbahet dhe a do i bashkohet LSI?
Berisha: Kjo protestë është e hapur për gjithë shqiptarët dhe është më datën 7 korrik në orën 7 të darkës. Në Tiranë, në rrugë dhe sheshin e saj më të madh, Tirana do derdhet.
Berisha: Para shqiptarëve do të protestohet ndaj qeverisë, parlamentit, me vendosjen e monizmit kushtetutshmëria e kësaj qeverie ka rënë në mënyrë përfundimtare.
Pyetje: Do të jete protesta e vetme qe do të mbahet gjatë verës?
Berisha: Një grup ekspertësh po punon për stemën. Do të vendoset, se ju e patë që aty u krijua dhe lindi aty buroi nga shpirti e zemra një koalicion i paparë me shoqërinë civile.
Me drejtuesit e lartë të PD është konsultuar protesta por data i është lënë nderi se ishte një takim me shoqërinë civile se kjo nuk është protestë vetëm e PD por data duhet të gjente miratim të plotë nga shoqëria civile
Më parë Rama nuk është larguar por Rama do të largohet.
