Jose Mourinho është një nga trajnerët më të mirë në botë. Teknikut portugez, së fundmi, iu dha çmimi “Talenti që Shenjoi Botën” nga disa ambasadorë të ligës portugeze. Në fjalën e tij, Mou tregon se është i lumtur, ndërsa nuk lë pa përmendur edhe suksesin në Conference League:
“Së pari, dua të falënderoj ambasadorët e Ligës së Portugalisë që më votuan dhe më dhanë këtë çmim. Nuk kam qenë në Portugali për gati 20 vjet, por ky çmim ka të bëjë me ligën time dhe do të jetë gjithmonë liga ime.
Të qenët i njohur në shtëpi është gjithmonë një vlerë e veçantë, duke pasur parasysh se në maj fituam Ligën e Konferencës. Pa dyshim që nuk është kompeticioni më i madh i UEFA-s, por ishte i vetmi që më mungonte dhe, sinqerisht, mendoj se e meritoj.Unë jam i sinqertë, lojtarët portugezë ka një vëmendje të veçantë jashtë vendit dhe mendoj se Liga Portugeze është rritur ashtu si dhe prestigji i lojtarit portugez. Sytë e të gjithëve janë te Portugalia, sepse pa dyshim që ne e dimë që lojtarët e fortë lindin dhe stërviten në Portugali, dhe këtë nuk e them vetëm sepse sapo kam marrë këtë çmim” – Tha ai.
