Nga Steve Rosenberg, BBC
Presidenti rus, Vladimir Putin ka shpallur mobilizimin e pjesshëm në Rusi për ‘të mbrojtur mëmëdheun, sovranitetin dhe integritetin e saj territorial, sigurinë e popullit tonë’.
Ai tha kjo ka të bëjë vetëm me qytetarët në rezervën ushtarake, ata që kanë shërbyer në ushtri.
Dhe ai lëshoi këtë kërcënim për Perëndimin:
“Nëse integriteti territorial i vendit tonë kërcënohet, për të mbrojtur Rusinë dhe popullin tonë, ne do të përdorim të gjitha mjetet që kemi. Ky nuk është një bllof”.
“ Integriteti territorial i atdheut tonë, pavarësia dhe liria jonë do të sigurohet, e përsëris, me të gjitha mjetet që kemi”.
“Ata që përpiqen të na shantazhojnë me armë bërthamore, duhet ta dinë se erërat mbizotëruese mund të kthehen në drejtimin e tyre”.
