Deputeti i PS-së Petro Koçi, në një intervistë për Euronews Albania është shprehur se Serbia ka qenë historikisht burim i konflikteve në rajonin tonë.
Koçi theksoi se deklaratat që bën presidenti serb Aleksandër Vuçiç, lidhen me politikën e brendshme të Serbisë.
“Serbia historikisht ka qenë burimi i konflikteve në rajonin tonë dhe nga ana tjetër dihet partneriteti i Serbisë me Rusinë dhe pse jo lidhje me Kinën. Besoj se të gjitha vendet, përfshirë dhe Shqipërinë janë të vëmendshme ndaj çdo fenomeni që ndodh në rajoni përfshirë dhe veprimet që bën Serbia dhe aktorë të tjerë.
Çdo deklaratë e Vuçiç lidhet me politikën e brendshme në Serbi. Me retorikën e tij nacionaliste, Vuçiç përpiqet që të mbajë retorikën e ndezur”- u shpreh ai.
