Mjeshtri Bujar Kapexhiu ka sjellë perlën e radhës për publikun, pas bashkimit të votave për hapjen e dosjeve, të deputetëve që kanë marrë mandatet nga demokratët me në krye Enkelejd Alibeaj dhe deputetëve të rilindjes së Edi Ramës.
Ashtu sikurse u dallua edhe mbrëmë gjatë seancës në Kuvend, Rama i kënaqur me këta deputetë që kanë marrë mandatet e demokratëve, i udhëhoqi me batuta dhe qesëndisje dhe i vuri në rresht deri në votimin e ligjit të amenduar dhe sjellë në kuvend nga socialistët, pa marrë parasysh propozimet e Partisë Demokratike për ligjin e Lustracionit.
