Kriza e emigrantëve që kalojnë me gomone kanalin anglez është përshkallëzuar deri në atë pikë sa që deri 2% e gjithë popullatës mashkullore të rritur të Shqipërisë, kanë zbarkuar tashmë në Britani, shkruan Breitbart, media e njohur amerikane.
Një fakt i tillë, sqaron Breitbart, pohohet nga zyrtarë të lartë të kufirit anglez.
Duke dhënë prova të cilat janë të disponueshme për t’u parë të plota në faqen zyrtare parlamentlive.tv, O’Mahoney u tha deputetëve në komision se ai mendonte se ishte “e rëndësishme të vizatohej një pamje e llojit të migrimit të paligjshëm që po flasim për këtë vit dhe sa shpjet është përshpejtuar shkalla”, duke konfirmuar se gjatë një periudhe 3-vjeçare numri i shqiptarëve në fluksin e emigrantëve me varka kishte shkuar nga 50 në 800, në 12 000 në 2022 deri më tani – “nga të cilët rreth 10 mijë janë beqarë, burra të rritur”.
Më pas ai sqaroi se i referohej grupmoshës së popullsisë shqiptare nga 20 në 40 vjeç, sipas The Times.
Shefi i kufirit ia dedikoi këtë rritje “eksponenciale” kriminelëve organizuar shqiptarë me ‘bazë’ në Francën veriore duke lehtësuar lëvizjen e emigrantëve shqiptarë, duke pranuar se një “numër i madh” prej tyre “po bëjnë lojëra qëllimisht me sistemin” dhe nuk janë refugjatë apo viktima legjitime të skllavërisë moderne të trafikimit, sicc pretendojnë ata.
Ndërsa mundohej të thoshte se ishte i vetëdijshëm për një “komunitet shumë të fortë dhe të gjallë shqiptar në Mbretërinë e Bashkuar që jep një kontribut të madh për vendin tonë”, zyrtari vazhdoi të pranojë se “ana e kundërt” e kësaj është “një sasi e madhe kriminaliteti shumë të dëmshëm, serioz dhe të organizuar në Britani të kryer nga bandat kriminale shqiptar”.
Në të vërtetë, shqiptarët u bënë popullsia më e madhe e huaj në burgjet britanike në vitin 2020, pavarësisht se vendi ballkanik me shumicë myslimane ka një popullsi totale prej më pak se 3 milionë banorë, krahasuar me mbi 1 miliard për Indinë dhe mbi 200 milionë për Pakistanin. Dy vende këto me diasporë të madhe dhe të themeluar prej kohësh në Britani.
Kryetarja e Komisionit të Ccështjeve të Brendshme e pyetur se sa emigrantë që kërkonin azil në Britani pasi mbërritën me varkë u ishin pranuar aplikimet e tyre në vitet e mëparshme, tha se shifra për vitin 2021 ishte befasuese, 85%, pavarësisht faktit se ata kishin mbërritur përmes vendeve të sigurta europiane.
I shtyrë mbi këtë shifër të jashtëzakonshme nga një tjetër deputet në komision, zyrtarja zbuloi më tej se 96% e kërkesave për azil të paraqitura nga migrantët me varka nuk ishin plotësuar – kështu që shifra e pranimit prej 85% i referohej vetëm 4% të aplikantëve të vitit 2021.
Në mënyrë specifike për sa i përket azilkërkuesve shqiptarë, u raportua më herët në tetor 2022 se Britania kishte një sjellje të butë, duke pranuar 52% të kërkesave, Franca pranoi vetëm 8%, ndërsa Gjermania me Suedinë, të njohura për rregulla të forta kufitare, nuk kanë pranuar asnjë kërkesë.
