Në serialin “Njerëz dhe fate” ata ishin babë e bir. Arben Derhemi, përmes një fotografie me në krah aktorin Robert Ndrenika jep lajmin se seriali do të rikthehet
Në këtë produksion të vitit 2003 që mbajti të mbërthyer publikun shqiptar pas ekranit, ai ka luajtur rolin e Florit, djalit plangprishës së familjes që mplekset me aferat e trafikut të drogës dhe jo vetëm, duke trazuar edhe jetët e familjarëve të tij.
Aktorët, si Eni Jani (në serial “Era” motra e Florit) kanë shprehur dëshirën e rikthimit të këtij seriali ( të konsideruar edhe si telenovela e parë shqiptare).
Në këtë serial luajtën aktorët më të mirë të dy brezave, si Mehdi Malkaj, Natasha Sela, Marjeta Ljarja, Valbona Imami deri tek Dritan Boriçi e Lulzim Zeqja.
