Në “Ora e Betit” në RTV Ora, nga Beti Njuma, gjuhëtarja Ledi Shamku Shkreli u shpreh se gjuhëtarët kanë faj që i kanë lënë vetëm mësuesit dhe didaktët.

Ajo tha se individi ka një ndërgjegje gjuhësore pas moshës 13-vjeçare dhe ai duhet të kuptojë kontrastet e një mjeti shumë formal sikurse është drejtshkrimi, por ka edhe një reflektim drejt lirisë.

Shamku: Ne si gjuhëtarë kemi një faj shumë të madh për faktin sepse i kemi lënë të gjithë didaktët vetëm dhe mësuesit. Në shkollë po mësohet një kod trafiku rrugor, apo një pasion? Sepse ajo që mësohet sot në shkollë është e mërzitshme, nuk ka asnjë reflektimi dhe funksionalizmi.

Individi ka një ndërgjegje gjuhësore pas moshës 13-vjeçare. Ai duhet të kuptojë kontrastet e një mjeti shumë formal sikurse është drejtshkrimi, por ka edhe një reflektim drejt lirisë përderisa shkojmë drejt domeneve dhe stileve të tjera gjuhësore dhe është gati nxënës për këtë qasje didaktike.