Nisma e Ministrisë së Arsimit për Universitetet publike të pavarura është kundërshtuar nga disa pedagogë sot.
Kreu i Sindikatës së Punonjësve të Arsimit të Lartë Aleksander Kovaçi u shpreh se një gjë e tillë i lë vend në të ardhmen shitjes apo dhënies me PPP të universiteteve publike.
“Sipas pikës 5 të kësaj VKM-je të gjithë pedagogët do të duhet të kalojnë në një kontratë 1-vjeçare. Fati i tyre mbetet në duart e pronarëve apo drejtuesëve të ardhshëm. Nuk mbetet gjë tjetër pas kësaj skeme veçse shitja apo dhënia me PPP e arsimit të lartë publik.
Në këtë situatë mendojmë se me këtë qëndrim qeveri shqiptare del kundër universitetit publik me vendimin që vjen për privatizimin e univeristeteve publike.
Ne deklarojmë se universitetet publike nuk kanë nevojë të ndryshojnë statusin e tyre juridik. Ato nuk janë shpk, nuk janë organizata fitimprurëse siç janë privatet,” tha ai.
