Partia e Lirisë vijon denoncimet e abuzimeve që po bëhen sa i përket veprimtarisë së kompanisë së kontraktuar nga Bashkia e Tiranës për incineratorin e Sharrës
Nga studioja e lajmevë në “Ora News”, nënkryetarja e PL-së Floida Kërpaçi u shpreh se qytetarët e Tiranës paguajnë për çdo proces për plehrat, por “bashkia vetëm i grumbullon për t’i groposur dhe nuk bëhet fare incinerimi i tyre”, tha ajo.
Ndërsa iu referua denoncimeve të bëra një ditë më parë nga deputetja Monika Kryemadhi, Kërpaçi u shpreh se:
“Në ato video që u denoncuan, pamë që kryetari i Bashkisë, Erion Veliaj, nuk i ndan mbetjet, por thjesht i gropos, dhe mundohet të na bëjë që ne të besojmë në atë që thotë ai. Pra, paguajmë vetëm për groposjen e plehrave”.
Duke iu referuar fenomenit të shpopullimit të vendit, Kërpaçi renditi si arsyen kryesore faktin se të rinjtë nuk besojnë më te qeveria dhe po zgjedhin të largohen.
“Të rinjtë e shohin me rrezik të qëndrojnë në vendin e tyre. Partia e Lirisë gjithmonë i ka mbështetur të rinjtë
Po ashtu edhe arsimi jo cilësor një nga arsyet kryesore që të rinjtë po largohen”, u shpreh ndër të tjera nënkryetarja e PL-së, Floida Kërpaçi.
