Kreu i Partisë së lirisë, Ilir Meta ka zhvilluar një takim me Ambasadoren e Greqisë në Tiranë, Konstantina Kamitsi.
Nëpërmjet një postimi në Facebook, Meta ka shkruar se ka falënderuar ambasadoren për mbështetjen e Greqisë në lidhje me proceset integruese.
“Mirëprita në takim Ambasadoren e Greqisë në Tiranë, znj.Konstantina Kamitsi.
Shpreha në emër të Partisë së Lirisë gatishmërinë për të punuar në forcimin e bashkëpunimit të gjithanshëm midis dy vendeve tona.
E falënderova Ambasadoren për mbështetjen e Greqisë në lidhje me proceset integruese në Bashkimin Europian, si dhe parashtrova domosdoshmërinë e forcimit të demokracisë e të shtetit të së drejtës, për avancimin e rrugës europiane të Shqipërisë”, ka shkruar Meta.
