Ish-kryetarja e Kuvendit, Jozefina Topalli, e mori fjalën në protestën përpara parlamentit.
Ajo e quajti një skandal të paprecedent faktin që ligji për komisionet hetimore është pezulluar pasi këtë e kërkon Byroja e Kuvendit.
“Në tre dekada nuk ka ndodhur kurrë që të përjashtohet gjysma e grupit parlamentar në mënyrë që ai të ndjehet i sigurt kur të shkojë në parlament.
Në tre dekada nuk ka ndodhur kurrë që një deputeti t’i hiqet e drejta për të folur për procedurë.
Në tre dekada nuk ka ndodhur kurrë që të mos i përgjigjet kërkesës së opozitës për interpelancë.
Në tre dekada nuk ka ndodhur kurrë që kur opozita kërkon komision hetimor, ata të mos e japin.
Por gjëja më e pabesueshme është që zonja thotë se Byroja ka pezulluar një ligj për komisionin hetimor.
Nuk e di, jam pa fjalë!” tha ajo.
Opozita ka kërkuar një komision hetimor për skandalin Rama-McGonigal, por në mënyrë të paligjshme dhe antikushtetuese, kërkesa është rrëzuar nga mazhoranca.
