Deputetja e Partisë Demokratike, Jorida Tabaku ka reaguar për mbledhjen e përbashkët të mbajtur sot mes qeverisë shqiptare dhe asaj malazeze në Podgoricë.
Përmes një postimi në Twitter, Tabaku shkruan se “më shumë janë marrëveshjet e firmosura për hir të propagandës se sa të zbatuara në shërbim të qytetarëve” dhe se “në këtë ekuacion fiton propaganda dhe jo qytetari”.
Postimi i plotë:
“Një tjetër takim i qeverisë shqiptare me të rajonit, nën frymëzimin e firmosjes së marrëveshjeve pa i zbatuar ato. Më shumë janë marrëveshjet e firmosura për hir të propagandës se sa të zbatuara në shërbim të qytetarëve.
Prandaj në këtë ekuacion fiton më shumë propaganda dhe jo qytetari, duke e kthyer politikën kokëposhtë; nga politika për qytetarët tek politika për propagandën”, shkruan Tabaku në Twitter.
