Avokati Genc Gjokutaj ishte i ftuar këtë të shtunë në emeisionin Revieë në Euroneës Albania, ku foli në lidhje me arrestimin e Fredi Belerit, dy ditë përpara zgjedhjeve.
Gjokutaj tha se nëse hetimi do të jetë i plotë, atëherë nuk duhet hetuar vetëm Beleri, por edhe policia për veprimet e kryera.
Avokati theksoi se rasti duhet të hetohej nga BKH, pasi ngjason me një inskenim të ish-Sigurimit të Shtetit.
“Gjykata ka dy detyre. Koha është shumë e kufizuar pasi ata do të gjykojnë mbi aktet që janë. Hetimi nuk duhet shtrirë vetëm mbi Fredi Belerin dhe Pandeli Kokaveshin, por duhet shtrirë dhe mbi policinë. Duhet të kuptojmë se këtu është bërë “gjoja” një gabim. Kjo çështje duhej të hetohej nga BKH-ja që në fillim. SPAK-u ka vendosur standard dhe janë dënuar njerëz me prova indirekte. Në rastin konkret ne kemi të bëjmë me fabrikim provash. Aty janë kryer veprime simuluese nga një bashkëpunëtor i policisë. Në datën 8 janë kryer të gjitha veprimet brenda ditës me urgjencë. Personi që simulon duhet të ketë një autorizim, por aty ka hyrë dhe vëllai i tij me inicialet A.R, që ka të njëjtat iniciale. Ai ka kryer veprime por është i paautorizuar. Ligji thotë që veprimet simuluese nuk mund të përdoren në rast që ka provokim nga ana e personit që simulon”, tha Gjokutaj.
