Nënkryetari i Partisë së Lirisë, Endrit Braimllari ka denoncuar serish zgjedhjet e mbajtura në Kuçovë.
“Jemi në këtë komunikim me publikun për të denoncuar për të disatën herë, krimin e tmerrshëm shtetëror dhe elektoral të konsumuar në Kuçovë, më 14. Maj, duke grabitur me paratë e oligarkut,trafikut të drogës, në tavolinë mandatin e kandidatit të koalicionit “Bashkë Fitojmë”, Lefter Maliqi.
Prova pafund të bëra publike këto ditë, konfirmojnë qartë që mandati koalicionit “Bashkë Fitojmë” në Bashkinë e Kuçovës është grabitur.
Në emër të Koalicionit “Bashkë Fitojmë” i jemi drejtur Komisionit Shtetëror të Zgjedhjeve në datë 04.04.2023, mbi verifikimin e pastertisë së figurës së shtetasit Kreshnik Hajdari që në këtë rast është kryetari në detyrë dhe Kandidatii Bashkisë Kuçovë për kryetar bashkie ne rradhët e Rilindjes, i cili në formularin e vetëdeklarimit ka fshehur deklarimin e dënimit penal në shtetin grek, fakt ky që “sjell përjashtimin e menjëhershëm dhe në çdo kohë nga kandidimi, zgjedhja, emërimi apo nga funksioni publik”.
Materiali drejtuar KQZ por dhe Prokurorisë së Përgjithshme ngana jonë ka qenë i plotë shoqëruar me vendimin e denimit të këtij shtetasi. Ende ne nuk kemi një përgjigje dhe mungesa e kësaj përgjigje nga ana e KQZ kompremton rënde procesin.
I bëjmë thirrje Komisionit Shtetëror të Zgjedhjeve, matërialin referuar Prokurorisë për këtë çështje ta paraqesë të plotë së bashku me vendimin e dënimit.
Ne të njëjten kohe kandidati i koalicionit “Bashke Fitojme” Lefter Maliqi i është drejtuar SPAK për të njëjtën çështje dhe ende nuk ka një përgjigje.
Kërkojmë nga ana e SPAK të vihet në lëvizje të menjëhershme për krimin elektoral të ushtruar në Kuçovë
Kuçova është sot shembulli më i qartë i konsumimit të çdo vepre penale dhe krimi elektoral.
Ne do ta ndjekim deri në fund për të zbardhur të vërtetën dhe për të vendosur drejtësi.”
