Një 30 vjeçar është arrestuar nga Policia e Sarandës, pasi i ishte caktuar masa e sigurisë “arrest me burg”. I riu akuzohet se ka kundërshtuar dhe ka goditur efektivët e policisë për shkak të detyrës.
“Specialistët për Hetimin e Krimeve të Komisariatit të Policisë Sarandë ndaluan shtetasin e shpallur në kërkim A. K., 30 vjeç, banues në Sarandë, pasi Gjykata e Shkallës së Parë e Juridiksionit të Përgjithshëm Sarandë i ka caktuar masën e sigurisë “Arrest në burg”, për veprat penale:
“Kundërshtimi i punonjësit të Policisë së rendit publik”, “Goditjet për shkak të detyrës” dhe “Mosbindja ndaj urdhrit të punonjësit të Policisë së rendit publik”. Materialet procedurale i kaluan Prokurorisë, për veprime të mëtejshme.”- njofton Policia.
