Një aksident i shumëfishtë ka ndodhur pak caste më parë në autostradën Tiranë-Durrës, në aksin drejt kryeqytetit.
Siç dallohet edhe në pamjet e siguruara nga Voxnews.al, të paktën tre makina janë përplasur me njëra-tjetrën.
Aktualisht nuk raportohet për persona të plagosur, por trafiku është rënduar në njërin krah të autostradës si pasojë e aksidentit.
Forca të policisë kanë mbërritur tashmë në vendngjarje dhe po punojnë për zbardhjen e shkaqeve të aksidentit si dhe për zhbllokimin e trafikut.
