Anëtari i Këshillit bashkiak të Tiranës nga PL, Endrit Braimllari ka reaguar përmes nje statusi lidhur me kërcënimet që gazetarët bashkë me grupin e xhirimeve të Syri tv morën në Rrogozhinë pasi ishin duke filmuar aktivitetin e kryebashkiakut të Rrogozhinës, Edison Memolla.
Braimllari shkruan se gjuha e presionit dhe e shantazhit ndaj medias dhe qytetarëve janë fytyra e vërtetë e Erion Valiaj dhe qeverisë së Rilindjes. Të tmerruar nga zgjedhjet që na ndajnë vetëm pak ditë po përdorin çdo mjet të mundshëm ndaj medias, të vetmit burim transparence dhe llogaridhënie.
Postimi i plotë:
Erion Veliaj dhe bandat e tij në Rrogozhinë intimidojnë dhe nuk lejojnë të bëjnë punën e tyre gazetarët e Syri tv.
Gjuha e presionit dhe e shantazhit ndaj medias dhe qytetarëve janë fytyra e vërtetë e Erion Valiaj dhe qeverisë së Rilindjes.
Të tmerrruar nga humbja në Rrogozhinë po përdorin çdo mjet të mundshëm ndaj medias e cila në këtë rast është burimi i transparencës dhe llogaridhënies.
