Afera vazhdon, sepse nuk kemi të bëjmë me përgjegjësi individuale, të cilat padyshim që janë, por kemi të bëjmë me një grup të strukturuar kriminal.
Natyrisht garant i vazhdimit të kësaj afere, i paprekshmërisë së saj dhe i shpërdorimit të fondeve publike dhe i taksave të qytetarëve shqiptarë, padyshim që është vetëm ai që mund ta çonte përpara këtë aferë në mënyrë të paligjshme dhe të kalonte 17 vendime qeverie brenda pak minutash, që është kryeministri aktual, i cili të vetmin shqetësim ka për shokët kur ata mund të hanë kumbulla mbas shpinës së tij, se ai do që të gjitha kumbullat t’i hajë ky dhe shokët të hanë burgun.
Ata të mbajnë përgjegjësitë, aferat të vazhdojnë dhe shqiptarët njëkohësisht të shohin telenovelën e radhës.
