Një makinë tip “Volkswagen Sharon” në pronësi Etnor Alushi, 29 vjeç. është djegur në orët e para të ditës së sotme në Fushë-Krujë.
Ngjarja ka ndodhur mbrëmë rreth orës 2 pas mesnate në fshatin Halil të Fushë-Krujës.
Makina ndodhej e parkuar në oborrin e banesës kur pronaret kanë konstatuar se po digjej.
Pronari i makinës ka deklaruar se nuk ka probleme apo konflikte me njeri dhe nuk di arsyen e këtij akti.
Njoftimi i policisë:
Më datë 25.08.2023, gjatë natës, në fshatin Halili, në Fushë Krujë, në oborrin e banesës së shtetasit Xh. A., është djegur automjeti i shtetasit E. A.
Grupi hetimor po punon për sqarimin e rrethanave të ngjarjes, identifikimin dhe kapjen e autorit/ëve.
