Vendimi Rraja, Mafia urdhëron drejtësinë, ankohu po ta mbajti.
Prokuror i bie të jenë Rrajat si autorë dhunues.
Gjykatës na del Taulanti si ministër asgjësues dosjesh
Të pandehur mbeten viktimat e fisit Maja.
Regjia qeveritare, na sjell precedent të rrezikshëm. Nga sot kush ankohet mund të masaskrohet dhe pastaj po ia mbajti le të ankohet se shkopinjtë e bejsbollit mbërrijnë e kujdesen për ty.
Prokuroria e Tiranës ka shpikur një politikë të re penale për fisin Rraja në Fushë-Krujë.
Ajo ka lehtësuar rrethanat për të pandehurit, ka rikualifikuar veprën, duke i bërë autorët Prokurorë e gjykatës ndërsa viktimat statistikë.
Thyrje kockash e kafke nga 10 apo 15 autorë është plagë e lehtë, sepse babai deputet e ka lënë mandatin me pazar me Ramën dhe sekretet janë pengje reciproke. Një raport mjeko-ligjor partiak është barka justifikuese për marrëzinë ligjore.
Olsi Çela Prokuror i Përgjithshëm dhe Arenc Çela Prokuror i Tiranës, kanë marrë e zbatuar porosinë e Taulant ministrit dhe Ramë kryeministrit.
Ska shpjegim tjetër.
Madje Prokuroria e ka lënë në duart e viktimave nëse duan të ankohen për të hetuar ose jo më tej.
Njëlloj si te dosja e kokainës e “Xibrakës” ku ish- Prokurori çështjes, Olsi Çela, nuk ankimoi vendimin e gjykatës rrëzues të kërkesasve të tij, por la të pandehurit të ankohen për ulje të mëtejshne të dënimeve.
Po armët, pistoletën drejtuar në kokë viktimave të shtrira përtokë nuk i pa prokurori?
A është kjo vrasje e mbetur në tentativë?!
A ka armëmbajtje pa leje?
Ky është mosveprim nga prokurorë e gjykatës dhe këtë nuk ka vetting ta kapërcejë. Kjo është vepër e rëndë penale.
Inspektori i Drejtësisë ka punë për të reaguar me emërgjencë për vendim hapur të padrejtë.
Miku im mjek më thotë:
Goditjet në kokë, kudo në botë klasifikohen plagosje e rëndë.
Nuk ka ekspertizë me goditje në kokë të klasifikohet plagosje e lehte.
Edhe thyerjet e kockave të gjymtyrëve klasifikohen plagosje e rëndë, jo më të kokës.
Por shembja dhe kontrolli kriminal i drejtësisë sjell këtë vendimarrje ashtu si ua do mideja Rrajave.
Ky vendim ishte njoftim se Mafia vendos ushtarët e blerë e të kapur të drejtësisë binden..
