Të paktën 100 persona janë vrarë në sulmin e papritur të nisur nga grupi militant Hamas të shtunën në mëngjes, sipas shërbimit të shpëtimit të Izraelit Magen David Adom.
Ministria e Shëndetësisë thotë se deri më tani 908 persona të lënduar janë dërguar në spitale për trajtim.
Sulmi i Hamasit ndaj Izraelit ka vazhduar për rreth pesë orë, me sirenat që vazhdojnë të bien deri në veri deri në Tel Aviv dhe Jerusalem. Sirenat nisën herët në mëngjes, pasi raketat u lëshuan nga Gaza.
Militantët nga Hamasi hynë në Izrael nga Gaza nga toka, nga deti dhe nga ajri, tha zëdhënësi i Forcave të Mbrojtjes të Izraelit (IDF), zëdhënësi i DF, nënkoloneli Richard Hecht në një konferencë të shtunën. Hecht tha se luftimet në terren po zhvillohen në vendet: Kalimi Erez, Nahal Oz, Magen, Kibbutz Beeri, Baza e Ushtrisë Rehim, Baza e ushtrisë Ziikim dhe Kfar Azz.
Ministria e shëndetësisë e drejtuar nga Hamasi në Rripin e Gazës thotë se 198 palestinezë janë vrarë dhe 1610 të tjerë janë plagosur në Rripin e Gazës që nga fillimi i përshkallëzimit të mëngjesit të sotëm.
