Kryedemokrati Sali Bereisha gjatë një deklarate për mediat nga selia blu ka bërë publike një video të atentatit ndaj ish kryetarit të komunës së Shëngjinit, Salvador Kaçaj.

Në fjalimin e tij Berisha tha se  kryeministri Rama është bosi i krimit dhe se kjo video vërteton edhe njëherë se mandatet e krimit kurrë nuk duhet të pranohen dhe kurrë nuk duhet të njihen.

Berisha: “Kjo ishte mbrojtja që kreu i organizatës kriminale qeveritare u bëri atentatorëve, mbrojtja publike.

Mos u çudisni që vrasësit me pagesë, të kenë qenë të pranishëm në sallë duke duartrokitur bosin e krimit shqiptar, Edi Ramën.

Një gaz të veçantë, siç e patë në fytyrë, kishte Pirini, siç po e thërrasin zakonisht Pjerinin, i cili e di që mandati i tij qëndron mbi krimin.

E di që nuk ka asgjë me vullnetin e qytetarëve të Bashkisë së Lezhës.

Paraqita këtë akt, paraqita këtë moment, sepse u desh shumë e shumë kohë që ne të mund të siguronim këtë video, aktakuzë e rëndë për Edi Ramën, Pjerin Ndreun, procesin zgjedhor, farsën elektorale të 14 majit 2023.

Kjo video, ky dokument vërteton edhe njëherë se mandatet e krimit kurrë nuk duhet të pranohen dhe kurrë nuk duhet të njihen.”