Presidentja e Komisionit Evropian Ursula von der Leyen ka mbërritur në aeroportin “Nënë Tereza”, në kuadër të Samitit të Procesit të Berlinit
Pas mbërritjes në kryeqytet, Von der Leyen do të zhvillojë takim me Presidentin Bajram Begaj, në Presidencë.
Më tej, von der Leyen do të takohet me kryeministrin Edi Rama, me të cilin pritet të zhvillojnë një konferencë për shtyp rreth orës 17:30.
Sjellim në vëmendje se këtë të hënë do të mbahet në Tiranë Samiti i Procesit të Berlinit, ku do të marrin pjesë të gjithë liderët e vendeve të Ballkanit, të shteteve anëtare të Bashkimit Europian dhe përfaqësuesit më të lartë të BE-së.
Ky lloj samiti i një rëndësie të veçantë mbahet për herë të parë jashtë kufijve të BE-së.
