Kryeministri i Holandës, Mark Rutte ka përsëritur se Kosova dhe Serbia duhet t’i kthehen dialogut në mënyrë që të normalizohen raportet mes dy shteteve.
“Kam folur me presidentin e Serbisë Aleksandar Vuçiç. Kam mundësi të flas sot me liderët e Kosovës dhe Serbisë. Shpresojmë që të gjithë të ndihmojmë për të ulur tensionet”, u shpreh Rute pasi u prit nga kryeministri Edi Rama, pak para nisjes së samitit të Procesit të Berlinit, që mbledh sot në Tiranë liderët europiane dhe ata të rajonit.
