Partia Demokratike, me anë të deputetes Ina Zhupa, i bëri apel SPAK-ut të hetojë skemën se si koncesionari i inceneratorit të Tiranës ka marrë me qira makina tek kompania e Blendi Gonxhes, për t’ia dhënë më pas në përdorim Bashkisë së Tiranës, të drejtuar nga Erion Veliajn.
“Marrëdhënia midis inceneratorit të Tiranës dhe vetë Bashkisë Tiranë sic është denoncuar ditë pas ditë me fakte dhe prova nga Partia Demokratike nuk ka qënë thjesht edhe vetëm e lidhur me incenerimin e mbetjeve që nuk ndodhi kurrë. Por një marrëdhënie gatishmërie për interesat e Bashkisë Tiranë, aq shumë sa mund të dukej si drejtori varësie që plotësonte nevojat e kryetarit të Bashkisë Veliaj sesa si marrëdhënie koncensionare institucionale”, tha Zhupa në një deklaratë për mediet.
Sipas saj, “marrëdhënia tjetër ku del qartë lidhja incenerator – bashki Tiranë, është edhe kontrata për marrjen e 12 automjeteve me kontratë huapërdorje nga koncesionari i Inceneratorit të Tiranës për Policinë Bashkiake”.
“Në asnjë pikë të marreveshjes inceneratori i Tiranës nuk kishte këto detyrime por as nuk kishte lidhje me makina me huapërdorje”, tha ajo.
Sipas saj, “ketë e shpjegon edhe fakti se vetë Integrated BV nuk i zotëronte këto makina që i ka dhënë në përdorim bashkisë por ështe detyruar të lidh një marrëveshje tjetër me për ti marr me qera këto makina nga një kompani private për tja dhënë më pas Bashkisë së Tiranës. Kompania private që janë marr disa nga makinat me qira nga inceneratori, ështe Albarent, kompani në pronësi të ministrit të bërë gati për ekonominë Blendi Gonxhe dhe administrim në atë kohë të bashkëshortes të tij”.
Zhupa theksoi se, “kjo marrëdhënie duhet hetohet nga SPAK për të gjetur përgjigjen për disa pyetje shumë të thjeshta: Në cilën pikë të kontratën kishte këtë shërbim inceneratori i Tiranës me Bashkinë Tiranë? Kush e vendosi në Bashkinë Tiranë që ti drejtoheshit këtë koncensionari për një shërbim që nuk kishte lidhje? A kryente punë të tjera për Bashkinë Tiranë, inceneratori i Tiranës dhe jashtë kontratës dhe cilët funksionarë ja kërkonin dhe me cilin vendim të Bashkisë Tiranë? Paratë publike shkonin te inceneratori pa bërë incenerim dhe më pas shkonin te firmat të lidhura me ish zyrtar te bashkisë Tirane, aktualisht minister i qeverisë, a ishte kjo një skemë për të përfituar nga paratë publike në xhepat e zyrtarëve?”.
“Katër pyetje shumë të thjeshta që SPAK mund të hetojë për të zbardhur lidhjet e tjera të Erion Veliajt, drejtorëve dhe ish drejtorëve të tij me këtë aferë. Ku disa nga protagonistët në vend se të hetohen nga SPAK, promovohen nga Rama si të suksesshëm. Paratë që paguante inceneratori ishin paratë e taksapaguesve shqiptar”, përfundoi Zhupa.
