Kryetari i Partisë Demokratike, Lulzim Basha i përgjigjet Gazment Bardhit, i cili në debatet e ashpra në Komisionin e Medias me deputeten Flutura Açka dhe Merita Bakiun e quajti atë “zagar dhe shërbëtor të regjimit”.
Me anë të një postimi në rrjetet sociale, Basha quan Bardhin dhe Nokën burrecë të vegjël që janë shumë të dobët duke sulmuar zonjat me dhunë verbale.
“Turp për këta burrecë të vegjël që mendojnë se duke sulmuar zonjat me dhunë verbale, tregojnë forcë. Kjo vetëm provon se sa të dobët janë”, shkruan Basha në rrjetet sociale.
“Pazaret i ka bërë ai shefi jot, ti rri se nuk ka njeri gjë me ty. Nuk po të ofendon askush. O Merita do të pushosh tani apo jo. Lulzim Basha është një shërbëtor i regjimit dhe një zagar që ka shitur interesat e demokratëve. Të të vijë turp që i shkon nga prapa”, tha Gazment Bardhi gjatë debatit të ashpër me deputeten Merita Bakiu.
