Ne fjalimin e tij para qytetareve protestues, kryedemokrati Berisha surprizoi me lajmin kur tha se SPAK ka çelur hetime për Belind Këlliçin, sipas tij te ardhura keto si hakmarrje se ka denoncuar vjedhjen e shekullit nga Rama dhe Veliaj
‘Të dashur miq!
Këto kohë, i tmerruar nga ju, i tmerruar nga misionarët e Rrugës së Shpresës, ai ka vërsulur institucionet në mënyrë të tërbuar kundër opozitarëve.
Deputetët e opozitës, eksponentë kryesorë të saj, vihen në përgjime, vihen në hetime vetëm e vetëm për deklaratat që bëjnë, për të vërtetat që i përplasin në fytyrë, kreut të organizatës kriminale të qeverisë shqiptare.
Sot mediat njoftojnë se grupi i strukturuar kriminal me në krye Dumanin e partisë në SKAP, kanë çelur hetime për Belind Këlliçin, vetëm e vetëm pse ai dënon çdo ditë firmat në vjedhjen e shekullit të Edi Ramës dhe Erion Veliajt dhe amnistinë kriminale të Damanit dhe Krajës ndaj tyre.
Edi Rama, një proces të hapur ke në Uashington.
Siç njoftoi radio publike e SHBA, akuza është tmerrësisht e rëndë.
Ke korruptuar njeriun që me ligjin amerikan, me misionin e tij, kishte për detyrë të mbronte SHBA nga korrupsioni.
Një akt të tillë ndaj një vendi mik nuk e ndërmarrin kurrë partnerët, e ndërmarrin vetëm armiqtë e saj.’
