Baza ushtarake e Gjadrit e konsideruar në periudhën e komunizmit në 5 më sekreteT në Shqipëri, tashmë do të shërbejë për strehimin e azil kërkuesve.
Në zonë prej vitesh ka rënë qetësia, ndërsa pas pak muajsh aty do vendosen 3 mijë emigrantë, forcat e sigurisë dhe stafi mjekësor.
Prej më shumë se 20 vitesh bazën ushtarake të Gjadrit e ka kapluar qetësia
Dikur nën shurmën e avionëve dhe oficerëve dhe efektivëve të aviacionit, sot shërben për ato pak kafshë që e vizitojnë.
Pista e aviacionit është e bllokuar nga blloqe betoni të mëdha, ndërsa godinat që shërbenin për të jetuar oficerët dhe ushtarakët janë thuajse të rrënuara.
Edhe në fshat jeta tashmë ecën me ngadalë dhe e qetë.
Pas pak javësh gjithçka do të ndryshojë.
Me financimin e Italisë jeta në një nga bazat që në periudhën komuniste konsiderohej top secret, do të fillojë ndërtimi i kampit.
Vendin e punonjësve aty do ta zënë 3 mijë mijë klandestinët që pasi të zbresin në Itali do të zhvendosen në këtë kamp.
Gjykata kushtetuese tashmë ka firmosur marrëveshjen Rama – Meloni duke e cilësuar të ligjshme.
Marrëveshja parashikon që 3 mijë emigrantë do të qëndrojnë në pritje të marrjes së azilit.
Përfituesit do të rikthehen në Itali e të tjerët riatdhesohen.
Kuotat e mbetura bosh do të plotësohen më pas nga të tjerë.
Baza ajrore e Gjadrit filloj të ndërtohet nga viti 1969 për të përfunduar në vitin 1970.
Pistës së uljes së avionëve iu shtua dhe tyneli prej 600 metërsh në formë ‘U’-je që mund të strehojë rreth 50 avionë sëbashku me personelin.
Avioni i parë në të u ul në 10 korrik 1973.
