Kreu i PBDNJ-së, Vangjel Dule, ka folur mbrëmjen e sotme për çështjen Beleri.
I ftuar në Syri Tv, Dule ka dhënë disa detaje që më parë kanë qenë të panjohura për opinionin publik.
Sipas tij, Belerit i kanë ofruar një marrëveshje në burg, ku i thoshin që nëse do të dalësh, duhet të japësh dorëheqjen.
“Duhet ta qartësojmë situatën dhe të themi të vërtetat si duhet. Beleri është në burg sepse është Kryetari i Bashkisë së Himarës. Belerit i është ofruar marrëveshje e pisët brenda në burg. I kanë thënë që nëse do të dalësh jep dorëheqjen nga Kryetari Bashkisë. Pra problemi është me Belerin si kryebashkiak nga Edi Rama. Rama ka problemin e platformës së tij politike.”-tha Dule
