Policia ka reaguar për aksidentin e ndodhur ditën e sotme në rrugën ” Ferit Xhajko” në Tiranë. Në aksident u përfshi edhe një urban i linjës së “Unazës”.
Sipas policisë, shoferi i autobusit nuk është ndjerë mirë, teksa ishte në timon. Pas kësaj ai është përplasur me një pemë dhe motomjet që ishte i parkuar. Shoferi po merr ndihmën mjekësore në spital.
NJOFTIMI I POLICISË:
Më datë 10.03.2024, rreth orës 09:30, në rrugën “Ferit Xhajko”, shtetasi E. C., duke drejtuar autobusin e linjës së Unazës, dyshohet se nuk është ndjerë mirë nga ana shëndësore, ka humbur kontrollin mbi drejtimin e autobusit, dhe është përplasur me një pemë dhe me një motomjet të parkuar. Shtetasi E. C., po merr ndihmë mjekësore në spital.
